Tim Van Damme Inspired by Tim Vand Damme

About Me

My Photo
thinchhia
Han about tur vak pawh ka hre lo!
View my complete profile

Blog

Tuesday, April 10, 2007

Sowin' Love

Sowin' Love
-Paul Overstreet

Well, I've heard tell of millionares,
And billionaires and such
Who gathered all their treasures
And still did not have enough
If money could buy peace of mind
I guess they'd have it all
But all the money in the world
Won't hold you when you fall
.

He khawvel thlirna atanga mi hausa tawntaw, sum leh pai lama harsatna nei reng reng lote pawh hian thlamuanna tak tak an lei zo tawp lo vang. Lungkham tur reng reng nei tawh lo nia kan hriatte pawh hian lungkham tur chu an lo nei ve nameuh mai.Sum leh paiin a lei zawh loh thil tam tak a awm ve si a. Sum lak luh dan fel vak lo phei chu holam tak leh lungchhiatthlak taka ei raltu tur hi chhungkuaah vek an lo chhuak mai, an ti lehnghal(Heti anga ei raltu awmna chhungkua apiang hi an sum lak luh dan a fel lo tihna phei chu a ni law!) Hringnun chhiatna lo thleng thin pumpelhnate pawh sum leh paia lei mai theih a ni mawlh si lo.

We got a roof over our heads
And the kids to love and feed
And the woman I love most
Lies close beside me in our bed
Lord, give me the eye to see
Exactly what it's worth
And I will be
The richest man on earth


Ni, tawm hulna tur In kan neih a, chhuan chham em lova kan awm leh, hmangaihna nena chhungkua kan indawmtawn a, lungrual taka kan khawsakho dial dial tluka hlu hi a lo awm chuang lo. Kuta thil awm ngaihhlut nachang hre hauh lova thil dang ringawt kan thlir thin a-ta-langin a hlutna tak tak hi kan chhut chhuak zo hlawm si lo va. Chhut chhuak thei tehreng ila zawng, khawvela hausa ber-ah kan inchhal hlawm ngei ang.

Lord, when I wished I had the things
That you gave someone else
I pray that you'll firgive me
Fot just thinking of myself
I haven't been as thankful
As I know I ought to be
I should be more than satisfied
With all you've given me.

Rual awt reng rengin hun kan hmang ral hlawm a, mi kuta sa hrang kan hmu lian larh hlawm mai si. Pathian hnena kan tawngtainaahte lam hian mahni hmasial takin kan dil hlawm mai chu a ni si a.Tun thlenga a thinur kan la tawng baw hlawm lo hi chu kan nihlawh ngawt mai. Kan dil dik loh thinzia hrechianga thupha chawi mawlh mawlh tur kan ni reng asin. A dil lam chauh hi kan taima a, kan dil hlawhtlin chinah pawh lawmthu kan la sawi tha duh meuh lo lehnghal. Pathian tan pawh hian a luhaithlak thin viau ta ve ang. A thilpek kan dawn zozaite hi lawmna tham tak a ni tawh reng a ni.

One thing is for certain
It don't matter when you die
If you had a million
Or if you just got by

He lei taksa hi a ral huna kan kal leh zelna turah kan rosumte hi kan keng zel thei tur ni ila zawng, a zia tak a awm tur hi a ni a. Nimahsela, makataduai tel tehmeuh nei kan ni emaw, eikhawp ngawr ngawr nei emaw pawh ni ila, kan lei taksa hian a chan tur chu a inang vek.Lei chu leiah, vaivut chu vaivutah tih tho hi a ni kan chan tur chu.Chuvangin, he khawvela kan cham chhung rei lo teah hian chhungkuaah kan rilru tihahtu leh kan pang tinatu chher duah lo ila, hausakna tluantling a ni mai awm mawng e.

A hla thu hi a mawl hle nain a thuchah hi a tha vei reuh viauin ka hria.

5 comments:

Mizohican said...

Hla thu mawl deuh deuh hi, a thuk thei hial. i rawn let tha khawp mai a awmzia vel.

thinchhia said...

Ruih ngai kher a hla thu "un" hi chu a lo hlu lemlo khawp in ka hre ta,kan lo upa ve ta niang.a thu tha hi chu a music pawh hi a nalh chawp thei mai zel a lo ni.

Anonymous said...

let nalh khawp mai, tin a hla thluk a nalh em le?

thinchhia said...

country music hi ka ngaina lova nalh ka ti lemlo.ngaithla tu ngaihdan dan a ni awm e

elvy Leivang said...

lalngaihawm blog i ani tih hman zanah ka hre ve chauh alom....lol....i dam tha zel em???

Post a Comment