Tim Van Damme Inspired by Tim Vand Damme

About Me

My Photo
thinchhia
Han about tur vak pawh ka hre lo!
View my complete profile

Blog

Monday, April 30, 2007

Invuanlohva nuihtheih dan-II

Pitar hrisel tha tak, kum 85 laia upa hian a pasal chu hmeichhia dang nen khuma an mu dun lai a phawk hlauh mai a.A thinrim lutuk chuan an pa chu inchhawng atang chuan a nawr thla ta daih mai a, a tlakna a san em vangin a thi nghal a.Rorelna hmaa thubuai sawi hunah chuan roreltu chuan, " Thiamthu sawi tur i nei em?" tiin a awt a.
Chu pitar chuan , " I zahawmna chhalin ka sawi e, tar kum 92 miin khatia hmeichhe dang a la mutpui theih chuan thlawh pawh a thlawk thei in ka ring a, ka nam th
thla chhin a nih kha!" zuk ti a :)

Nu pakhat pawh kha an cher mai mai awm a sin,a pasalin mut dawn apiangin Lalpa zaninah hian zum leh hriam karah ka mu dawn a, nangin inhliamna awmthei zawng zawng lakah min veng leh ang che," a ti ziah.

Pa pakhat pawhin Khuaibu lak chu ka sim tawh a zang nei lian zawk kan tlanchhe duai duai zel ati e an ti..
Thikthuchhia: A nupui a lo vua a, " Tenawm lutuk", a lo ti a, engnge ni ta tiin an va en, an pa chuan an nu chu kawk chungin," Henu hian sahbawn rimtui zuk hmang vel a mawle ," a lo ti khur dur dur a.

Thingtlangpa pawh kha vairam kal ve a,train kha mak a ti lutuk a nih chu! Zin report pe a, " An rel kha chu a vang (width) zawng khan rawn tlan se chu a danger khawp ang, engkim a ti chhe vek dawn..."

Biakinah a vawih dawn emaw a ti a, a tak a lo tel. A tih ngaihna hrelo chu a ding thut a, Ka mawngin min bum.Khawvel hi bumna ram a lo ni..ka haw dawn...Lalpan Malsawm rawh se.." a'n ti ngawt a, a bula an Upa muthlu harh chiang manglo chuan ring tawkin 'Amen!' a lo ti piap.

Khawpui nula sih hnip ve tak pakhat hi amahin thingtlang khuaah car-in a zin a.Zanah khaw kar kawnga a tlan laiin a car chu a chhe ta tlat mai a.A piah deuha thlamah chuan tanpuitu a zawng a.Tlangval ram riak, mawl ve tak mai hi a lo awm a.A bulah chuan a riak ve ta a.
Zanah chuan a fala nula leh tlangval riak dun ta chu an inkuah chho ta mai a.Nula chuan condom a pawrh a, " Hei hi i vuah loh chuan ka rai ang..." a ti a.Condom chu a hmantir ta a.A tuk thum tukah nula car chu miten an siamthatsak a, nulain a chhuahsan daih tawh hnuah, thlamah tlangval chu amahin a thu vang vang a, " A rai tawh em lovang chu maw! A nin awm em mai, ka phelh mai teh ang...." a ti ta a.

Mikhual a nia.A thlennate chhungkua chu zanah zualkovin an rawn ko thut a, " Tikhan TV lo en rawh" an ti a, mitthi lumen turin an kalsan ta vek mai a.A mu duh tawh si, TV off dan a thiam si lo, pawnah a chhuahsan, a la nung tho si, thlangrain a zap, a zap hlum zo si lo, a chhiatkhum, a fiah tak tawlh tawlh, a tawpah puandumin a khuh a,ngaihngam takin a mu ve ta e an tih chu!

Zirtirtu: Pakaw hmun han sawi teh.
Naupang: Eng nge 'Pakaw'?

Pa hawihhai lo ve tak mai, fa pakua lai nei hi damdawi lama thawkte’n an va kawm a, an inbiakna tlangpui hetiang hi a ni.

Z: Engtiziaa fa pakua lai nei nge I nih ? Family Planning lam hi I ngaihven miah na nge?

Pa: Kan nuin fa pahnih a hrin hnuin Condom ka hmang thin a, mahse fa pahnih dang a la hring leh ta fo a.

Z: Condom chu a phui tha tawk lo a nih dawn chu.I insiam mai lo em ni?

Pa: Ka insiam a lawm! Mahse chumi hnu pawhin fa pahnih a la hring leh tho!

Z: Chuti chu I insiamna pawh a la fuh lo fo a nih dawn chu. I nupui kianga awm loh chu kawng awmchhun a nih hmel mang e.

Pa: Chu pawh ka ti tho.Fa paruk kan neih hnu chuan kan nu chu a sik pawh ka si duh lo.Mahse fa dang pathum a la hring leh tho alawm.A tihngaihna a awm
nganglo a ni e!

School zirtirtu pakhat hi a bang tawp mai a. A ban chhan an han zawh chuan:
Tunlaia School tha-ah chuan zirtirtuten Principal an hlau a.Principal-in Superintendent a hlau leh a.Superintendent chuan School Board a hlau leh a.Board ho lahin
nu leh pa an hlau a,Nu leh Paho lahin an fateho an hlau bawk si.Naupang, tumah hlauh tur neiloho hi ka zirtir peih thlawt lo a ni e a ti tawp!

Khawpui hrang hrang a tlawh thu chu intithei takin a sawi zuah zuah a.London,Paris,New York,Rome tih vel a ni nawk mai.A kiang a mi chuan, " Chu ram hrang hrang i fang hnem bawk a, Geography pawh i hre viau ang maw?" a lo ti a.
A ni chuan," E, tehreng mai.Ni nga lai kan cham alawm," a ti nulh.

Thlai zuara eizawng thin pakhat hian fa a nei a, miin a naute neih thar chanchin chu an han zawt chhian a," Tha tak a ni, a thar diai a ni," zuk han ti talh a.

Nikum lam khan i kawngka luchunga i hming ziakah B.A i telh a, kumin chuan M.A. ilo dah ta daih mai a.Engtik laiin nge maw Master degree i lo zawh chu le?"
" I hrethiam lo mai mai a nih chu, nikum khan ka nupui a thi a, ka tlangval nawn leh(Bachelor Again) a.tunah hian nupui ka nei leh a, M.A ,Married Again chu a dik lohna a awm em ni?"

"Tuntum MLA thlan chu vote ka thlak lovang"
"Engati maw?"
" Politics a inrawlh nasa lutuk ka duh lo!"

An class test chhanna tur chu Yes/No tih a chhan mai tur a ni a, zirtirtu chuan zirlaite chu a thlir reng a, pakhat chuan chengkhat thir chi hi a vawrh a, a man chat a, a en a, a ziak leh zauh thin a." Engnge i tih ?" tiin a va zawt a." Class test ka bei mek a ni, milem lu awmna lam a chhuah hian dil lo, Re. 1 lam a chhuah hian dik." a ti a.
Test hun a tawp a, zirtirtuin chhanna a lakkhawm lai chuan chu zirlai chuan a pawisa tlang chu uluk tak mai hian a lo la vawrh ta lauh lauh mai a,zirtirtuin " Engnge i la tih cheu?" a han tih chuan " Ka chhannate hi a dik leh dik loh ka lo ennawn leh mawle!" a la ti hram.

Excise Constable interview naah khan han en mai pawha zu in thin tih hriat fe mai hi a va inlan ve a.Board member pakhatin ' Zu i in ve ngai em?' tiin a lo zawt a. Ani chu a in ngaihtuah vung vung a,' Chu tunah in tur in nei mai em ni?' zuk ti nulh chu an ban nghal an lak hma hma in..

Hepa tho hi 'Zu i in ngai em?' tiin an zawt a.Ani chuan ,'In ngai e.Mahse ka sim tawh a', a ti a."A nih leh chu i nghei hmak em ni?" ti a an han zawh chuan ," Nghei tawh e.Mahse hmaks chu a tel lo," zu han ti a!.

Duhthu a sam a: " Prince Of Wales chu ni ila Second hand hlir ka ha ang a, chempui thar hlirin lo ka vat ang a, lo a feh nan thirsakawr ngat ka hmang ang!"

Nupui : Thil pakhat hrilh che ka duh.I thil sawidan reng reng hi, ' Ka In, ka motor, ka chair, ka pheikhawk, ka....ka...ka.. tih vek mai; engkim hi i ta bik vek. 'Kan' tih tawngkam hman ve tak reng reng loh mai chuh... I nupui, i kawppui ka ni a, 'kan' tih hi sawi dan tur a ni,' a ti duai duai a.

A pasal chuan a nupui thusawi chu bengkhawn awm pawhin a lang lova, pindan chhungah chuan thil zawng tih hriat takin a hawi vel a.
Nupui : Engnge i zawn?
Pa : Kan kekawrte !

Pu Thuama : Bengdar thar, German siam ka lei a, a tha teh mai asin aw! Dam chhung daih ni awmin an sawi lehnghal.
Pu Chhuana : Chu engzah man nge ni le?
Pu Thuama : Dar nga leh a chanve !

Fa kha an nei thahnem phian mai a, an fate lah chu naupang te te e ti lovin zirlai hlir mai an ni a. In lamah chuan lehkha hi a zirin an zir mur mur mai a.Tuk khat an inah chawhmeh zuar a va lut a, a'n en vang vang a, " In inah chian "tuition" in hawng elo?" a ti tawp.

Tuikuk Inah an va lut a.
" Hetah hian riahna tur a awm thei ang em?"
"Riahna tur chu a awm ang"
" Chaw ei tur a awm ang em?"
"Chaw pawh a awm ang?"
"Thosi a awm em ?"
"Thosi pawh awm ang!"

A zurui kha a chhe ve khawp a. Tar dahkhawmna Inah a lut a, " Tunge mi cho?" ti te'n a inhrosa vel !

An khaw nulaho chuan ," Hria em?" tih hi an han uar ve khawp a. An zingtho hlim tawngtai te hian, " Aw Lalpa nizanah tui taka min muttir avangin i hria em?" te an ti vel !

Midumho zingtho tlai infiamna ve chu Chalk(meihawl aiah) an intat thin !

Tualte vanglai khan an han hausa hlawm khawp a.Awm reng reng lo panga vel tal hi in tinin an kawl vek a.Awm reng reng lo pakhat pawh kha rei tak hman theih a ni an ti.

A hming chu sawilo mai ila.Lehkha ziah lam hi a tui ve hranpa a.Lehkhabu ziah zawh tawh pawh a ngah, thenkhat lo tarlang ila:
Mix Story:
1) Nghawk me now
2) Don't leave me a malin

Love Story:
1) Trante-in Zotea a beng
2) Chutah ngei chuan
3)Thingkhawn phenah ka hmu che
4) Ha phawi ni khan

Horror :
1) Zotea pa lubung
2) Phihawhna hruihrual

General :
1) Ka lum mai dawn
2) A var heih heih

Cowboy :
1) Ranch an hual

Hindi :
1) Me mhu hu

He lehkha hi A.I.R Shillong Station ah an dawng.
To,
The Director,
AIR, Shillong.
Sir,
I am military human being living very far in the big forest of mountains. I am only Mizo stayer among to other friends. Radios is only my friend so please let them speak more Mizoram history, I must tell you my thingking.
1. Pu P.S. Chawngthu is very big voice I can hear goodly tell him to talk more.

2. Pi V.L. Hrimi voice is beautiful,make him sing only one song for me of the song 'Lungrukah'

3. Pu L.C. Sailo is not nice in voice talking I cannot hear nicely please tell him to repair his voice in future.

4. You radio always make noise I cannot hear clear, my radio is good Murphy Radio Model 786701 I gave the shopkeeper Rs. 750/- I listen other radio it is very good but I listen Mizo Radio it is not good.Why? Tell me.
Lalsangzuali Sailo is good please tell other friends to sing equal to him.

16.7.1976. Thanks
L/Nk P.C.........2376076
C/o 99 APO.

14 comments:

Henry a.k.a boiha said...

hahahahahahaha......thra thrin mange.Min ti nui thler uai2 mai alawm!

thinchhia said...

aw boihsuk min ti hlim ngei mai..mahse mipa a bikin er. zir tan chuan nuih thler uai2 a mawilo, 'pa' deuh a then vei suk suk zawk tur. lolz han contri' ve la

myself said...

khawi ami nge i hriat em em thin...Pa Ngaiha thin hi... haha

thinchhia said...

tui na lam hi chu kan khol trun mai mole :) a bu a release ve mai te ka duh hial zuk nia, hralh kal nge maw chu le

illusionaire said...

lolz... nang ngei hi chu oooo :)

misual.com ah ka update che kha.

SEKIBUHCHHUAK said...

hei ha..dul thuar na urh a ka nuih chu le..

hetiang hi rawn post zel teh khai..

cheers..!!

thinchhia said...

lo tum talh2 don nia, hengho hi chhim leh hmar chhak leh thlang atangte a lakkhawm an ni a, hun leh tha, zung leh zam a hek ve khawp mai..:)

illusionaire said...

update tawh em em rawh... min ti nui rei tawh emmmm mai, chin tawk a awm :)

thinchhia said...

nia mole boss,keipawh ka ka chhiar apiang in ka la nui ziah! mibo kan zawn na a ka hah zia ka ziak ang ka tia ka la puitlin hrihlo nih hi.

Sylvman said...

Hahaha......nui nasa ltk ! Englo i blog headera pic dah dan khi min lo hrilh . Plzz

thinchhia said...

sylvman i email id lo sawila lo hrilh ang che.

Jinx said...

Ohoo..No 3 a L.P.Sailo khi ka hre tlat mai....Lo hrilh vat tur anih khi...lolzzz

Jinx said...

Sora...L.C.Sailo ka tihna anih khi auh.......:P

thinchhia said...

haha nia lo hrilh vat teh a voice repair tr chuan..

Post a Comment