Tu nge ka hming?

Aha! Computer chhiat zarah ka blog ka update theilo.Lehlamah thil tha tih nan ka hun ka khawhral thung.April thla a exam tur mah nise mi fate'n hrawkchawmna hmu tur a an thawh rim zia ka ngaihtuah hian nikhata darkar 10 zir hi in chhuanna tur reng a lo awmlo.hehe.Ka inbih hnem poh leh zirtur tamzia leh hun chep si zia ka hrechhuak.Ka chhungte pawhin min duat sawtin ka hria ka hming pum ngatin min ko thin.Hming kohna apui hi ka ngah leh lutuk a,ka Nu in 'mate' min tia ka lawm vaklo.Tlangval feet 5.11 tan chuan 'matea' nih chu a in hmehlo riau.Ka nu thiannu phei chuan 'matea' ti tawh suh 'maliana' tih zawk tur minti.Ka Pa ve thung hian 'Bawiha' min ti thung.Bawiha tih pawh hi a lawm awm chiahlo.chhan chu kan vengah Bawiha(99%) lar zet mai a awm.Kawmthlang lamah ka nu U-te chhungkua in 'mate' min ti leh a.Kan thenawm ah 'Mangaih' an tia, a then in 'mangaihawm' min ti leh thung a.Ka thiante lah hi minkoh dan a in anglo.Pakhat in 'Angaih' min tia, a dangin 'ngaihom' an tia, a then lehin 'Ngaiha' min ti leh daih a!A khawia pawh chu nise min kohna a nih chuan ka ei ta lauh lauh zel a nih hi.South India lama ka awmlai lah khan 'Pangaih' min tih daih chu(h).Duh vaklo mah ila min kohfo chuan ka'n eih ta zel a lo ni.Vaiho erawh in 'Sailo' min ti sam et a.A chang chuan sap hming neih hialte hi ka duh rum rum thin.Journal ka siam tangin 'ngauh' hming ka pu a, blogger a ka in suan hnu in 'thinchhia' ka ni ta zel a thinchhiat vang pawh ni chuang lovin.Thinchhia sawi takah chuan ka Nu in min hau a, ka thinrim hle, tawng pawh ka tawng duh mang lo.Ka Pa lah engmah hre lovin ka damlo maw tia,'i hritlang kha damdawi ei la mu tam rawh' min tih daih.Thinrim rei a har kher a sin.