Who the F*** is Alice?

Smokie an concert dawn tih ka hria.Mahse an mahni leh an music hi ka tuipui loh mai bakah ka ngaihthlak ngai loh vangin en pawh ka tum lemlo.Chumai bakah media lamin neuh neuh an sawi tam a, a bik in an member chungchang ah.Original atangin pakhat chiah a tel tih thu an chhuah vak vak a, en tum loh nak laiin hetiang an sawi an sawi vang hian ' ka en lovang' tiin rilru ka siam a.Chumai bakah a en man hi a to ka lo ti ve mai mai a.500 leh 1000 an siam a, a hnu kha chuan 300 man pawh an siam ta tho a.Tuipui vak mangloh han en nan a pawisa a tan chuan ka ui deuh a ni ber ang chu.Band chuai tran ka duh ve tho entirnan Firehouse te angah kha chuan a to ka ti hranlo, ka ngaihsanloh em vangni ber ang chu!
An concert dawn 24th November chhun thleng kha chuan ticket leh ka rilru Lammual lamah a la awm chuanglo.Mahse ka thianpa in min lo phone a, ticket minlak kep thu a sawi a.Keilah ka sa teu hlur, ka kal peih lo thu a kan tan viau pawhin a tih deuh bur vangin kan 'aw' ve ta ringawt a.
Dar 2 velah a phur tawh lutuk chu kan inah minlo sawm kual nghal mai a.Keilah 'satel speed' tak maiin kan in siam te te a, muang changin 3pm velah kan chhuak ta a.Ka zui na chhan ber umzuiin Chhinga Veng lamah kan phei a, a hmel hriat a bek bawr sur sur reng a, a tawp a tawpah chuan umkhat a rawn hum ta ran mai a. Chu umkhat chu ka kal chhan mah mah a niang chu! Tichuan a hmelhriat te inah chuan zawi muang in kan ti ti hmasa a, ka lo 'lem' khat deuh a niang chu ka ni deuh chhu nghal mai a, a ni lah a helhhawlh nge mawni thu chung leh ding chung hian min kawm a.An rei deuh hnu chuan a thu ve ta hle hle a,keilah kal peihlohna in minla bawm, ka la phur hleithei lo, muanchan dan ka thiam ang ang in ka titi pui a, a rei ve khat a niang kal tak tak tura kan han chet chhuah meuh chuan khua chu a lo thim tha tawh khawp mai.
Tleirawl bike khalh, an hmalam a thil phe deuh hlek awm a piang lehpelh tum an tih ang a tang hian ka pension ve tawhin ka in hria kha a ni a.Kan han che chhuak zet kha chu MOTOGP track a tlan tum ang hrim in ka pit chhuak rang.Ka thianpa lah kha emergency thil awm ang mai khan a tlan hian a tlan nil nil mai si a, ka han um tak tak mai chuh.Lammual thleng tur khan hun a heklo kher mai!! Tlem kan 'thil' la dah that chu a ken luh dan ka'n han ngaihtuah leh a, thlasik lai ni bawk nen Cold-drink kan han zawng zet kha chu an neilo thei khawp mai.Vanneih thlaktakin kan hmu hlauh, kan bun ruah dawn meuh chuan a zuartu nu khan a ui deuh niang, an in leh te te a.Tichuan kan 'thil' chu kan paipawn ta a.Lammuala luh tum anlo tam tawh khawpa, line hnih in mit tlin tawk chu an ding thup a, keini kha 'thil' power vang niang chu, direct in kan han lut ve tawp a,Cigarette min mansak mai tihloh chu thil dang min laksak lo hlauh.
Kan teisek a, Smokie an la thlenglo bawk nen tu tu nge zai pawh kha ka sawi thei mai ta lo.Chham zuah zuah kha chu an awm in ka hria a, tu a nih ka hre chuang lo.In recharge nan kan thil neih ka'n phawrh dawn a, ka kawnga ka zeh kha ka hmu ta mai silo, ka in dap vak vak a ka kekawrah tla thla in pheikhawk hian a lo dang tang hram chu niin. A lo tak tha ngang mai, tui leitur kan zawng leh ta thung.Stall khatah chuan lei an phal chailo,a nghak tunu kha vuak mai hi ka chak hman.Disposable Cup khat tui Rs10 tete in kan han leikhawl a, a lem nuam tawk in kan chhuah thei hram.Thut hmun kan siam a goalpost bulah kan han titi leh tan ta a.Mahse kan tui tak tak hmain kan venga naupang in min rawn hmu fuh, a rawn hawihhawm khawp lehnghal kan thil beisei tih hriat tak hian.Tlem chu kan pek ve tak kha! Tin pa pakhat hian khawia tanga kan hmuh nge tih min zawt a, ka thianpa lah pek chuan thlanglam pang a stall ah a awm e an ti leh ngawt pek a. A chhuk thla ta ang hnuang hnuang a, a hmuh ka beiseipui lo kher asin.
Smokie an lo thlen thu an puang takah chuan kan seat lam(500) panin kan phei a, a fuhlo mai mai lehnghal, a sir ah kan awm daih!! Khatianga mihring tam naah kha chuan hmelhriat hi kan hmu leh nawlh thina, kan zirpui thin ten nen kan han in hmu thut chu kan in kuah nasa nawk nawk fu.Pakhat zawk phei chu ka thianpa chhass hlui ni bawk nen, an han lai dun tehchai khawp a, in hnaih chak deuh si, hrehbawk si, inbiak bawrh bawrh duh si, hreh bawk si vel khan an awm a. A rei tak hnu a kan han phar tak suau suau ah chuan an in hnaih hret hret a, an inkuah tak hlawl kha.An thian thum khan an lo ‘tha’ sa bawk a, boruak kan in man viau a, a nawm phah phian.
Sound system changkan thu sawi dup dup a, rei tawk mai zai thulh ngai khawp a an chhe tlut kha chu zah thlak ngawt mai.Mizote hi chu a sawi lamah hian kan chak a nih hi tih mai a awl duh hle.Chumai nilovin a Organise tu ten thupha chawi lam nilova, mipuite kan phun mur mur min han vau tih tih zawk kha chu ka ling chhuai.
Sap ho nge nge mipui min chawk phur thiam a, mahse an sound chhe lutuk khan a pui tur ang a thlen phak lo a niber.Mahse ‘Who the f@#$ is Alice?’ tih vel kha chu a nuam thlawt!!
Ban hnuah kan leng leh hlek a, haw pawh ka haw peih ta lova, thianpa te inah ka in vawm lut ve ringawt.