Twitter Follow my tweets!
Flickr Some photos of mine.
Facebook Facebook a ni mai.
Blogger What I'm writing.
Gmail My email
Subscribe Get my latest post!
Mi tam takten kan ngaih thin dan awma lang chu zu tam tak an man fovah hian Total Prohibition hi a hlawhtling lo ani kan ti thei awm e.Total Prohibition hlawhtlinna ropui tak mai chu he dan awm avanga zu tam tak an man hi a ni. Hmun dang atanga lo lut tur zu chi hrang hrangte hi Mizoram a lo thlen hma hian man zawh vek theih chu ni phei sela,Total Prohibition hlawhtlinna chu a va ni dawn nasa em! Helai Mizoram chhunga 'local' zawng zawngte pawh hi in ngai loten an in hma leh in thin tawhten an in hma ngei hian man fai vek hman chu ni phei sela, eng ang pawhin tam pawh ni mah sela, a hlawhtlinna ropui tak chu a ni ngei ang.
Zu an man tawh zawng zawng hi hmun khatah a vai hian dahkhawm ni sela, chutiang tlan tur chuan zu ngawlvei zawng zawngten man lova an duh tawka an tlan theih nan ngawlveiho khawm ve ni ta sela, an duhtawkin chutiang chuan tlan sela, an boral hma phah viauin a rinawm a ni. Chu mai chu nilovin, zu man khawm tawh zawng zawng chu thalai rual zu in ngai lo chenin a thlawna in theih turin dah ta sela, kan thalai rualte zu ngawl vei leh kawhmawh bawla, khawlohna kawng zawh an tam phah viau lawng maw? Zu reng reng hi man lo ta sela, in lohah an chhuan sen reng dawn loh avangin, in thin tawh emaw, in ngai lo emaw pawhin kan in zawh tho tho tur a nih avangin, tam tak taksa leh nunna thlengin tihchhiatin a awm phah ang a, zu in ngai lo tam takin an in phah bawng ang a, zu zawng zawng hi a vaiin man kim vek theih ni lo mah sela, hetianga an man tawh zawng zawng pawh hi Total Prohibition hlawhtlinna ropui tak chu a ni.
Total Prohibition dan hi tun hma kum 50 vel atang khan ngawrh taka lo hman tawh ni ta sela, kum 50 chhunga zu avanga boral zawng zawng hmun thuma thena hmun hnih chu chhungkua leh ram tan tha tak leh awmze nei taka hun rei tak chhung la hmang thei tur an nih a rinawm. Chutiang hun hmang thei lova an awm chu ram leh hnam, chhungkaw tan channa rapthlak a ni. Tunah ngei pawh hian i han ngaihtuah chiang teh ang u. Tuna zu ngawlvei kan tih mai, zu lova awm thei tawh lote, nghei duh ngawih ngawih, an ngheia an taksain a tawrh tawh si, mi khawngaihthlak te hi tun hma kum 50 kal tawh atang khan Total Prohibition hi uluk taka lo hman ni tawh selang chuan hengho hian harsatna hi an tawh a rinawm loh a ni. Chutiang bawkin tuna zu zuar hlun pui pui kan neihte hian khang hun lai atang daih khan zu hi lo khap tawh selang chuan harsatna leh buaina tam tak hi an tawh a rinawm loh.
5 comments:
Zu te chu a in a in rem chi a lawm.....!total prohibition tih vel hi chu...Synod ho hlauh vang mai a ni in ka hria....
mltp awm lohna a awm hian ka in tam phah cuang lo. nie, a dik alawm.
zu hi inzawh theih chu nise vai ho hian mizo ai chuan an in zo hmasa tawh awm a sin mole.
Synod ho hlauh vang chu a ni in ka hria kei pawn, mah se chhungkaw tam tak zu vanga buai thin thawveng ta sawi tur ka hre nual mai a, chuvang chuan Mltp hi chu mizo te hian kan lo mamawh khawp a ni. Kawi tinah zu hi hmuh mai theih chu nise tun a in lemlo tam tak hian an in phah rinawm tak a ni, a chhan chu Mizo kan ni miau a.
Mltp awmlohna a awm tak vang a zu/beer in ngailo in ta sawi tur pawh an tam viau ang a bikin zirlai phai a awm te hi..
Chuvang chuan Mltp hi a tha a ni.
Zu hi chu khata rem chi a ni lo va, khap loh avanga tam hluai chi pawh a ni chuang lo va. A in duh kan awm chhung chu kan khap thei chuanglo vang a. Tin, drugs te leh thil sual dang te nena khaikhin chi pawh a ni chiah lo va. State pawnah zalen taka an zawrh thil leh an in mai thil a nih avangin khap rem emaw tih rem emaw theih a ni lo vang. Chu chu engvangnge kan tih chuan MIzo pi leh pu atanga Zu culture nei tel kan nih piah lamah Kristian kan nih avanga zu nghei tur kan nihna Baibulah a awm chuanglo. Mahse ruih leh sual nana hmang lo tur erawh chuan min zirtir thung.
Chuvangin Zu hi in dan thiam tura in zirtir hi a hun tawh a, Zu ruih avanga harsatna siamte hremna pawh na taka tih tur a ni. Tichuan, state pawn lam mi te ang bawkin Zu avangin kan buai reng bik lovang.
Zu hi khap avang chuan a rem kherlovang mahse kan khap chhan pakhat chu supply reduction, duh duh hun a intur awmtir loh te pawh a niang chu.
Zu nghei tur Bible ah a awm lo, mahse kristian kan han nih tak atang hian misual pianthar ngai kan han tihte hi a tam zawk chu zu in mi hi a kawk deuh ber a, chuvang chuan Bibleah inziak kherlo mah se kan Kristianna in a kentel ah a ngaihtheih ang.
Post a Comment