Tim Van Damme Inspired by Tim Vand Damme

About Me

My Photo
thinchhia
Han about tur vak pawh ka hre lo!
View my complete profile

Blog

Thursday, November 30, 2006

Vawksa Hi!!!

Mizote hian Vawk kan vulhna hi a rei tawh hle awm e.Kan pi leh pute hunah chuan Vawk hi an han vulh ngar ngar a, kum khat emaw hnuah an han talh a, a sa an ei a, a thau an er a, a hriak chu kumtluanin an ring thin.Lusei-ho phei chuan zan arsi lanah an Vawk chu talhin,zanlaiah Vawksa ei turin an chhungte an kaitho a,zanlaiah Vawksa ruai an theh ta mup mup thin.An chhungte koh hmaih palh an awm chuan a tuk zingah ei turin an ko leh mai thin.
Tunlai keini thangtharte pawhin Vawksa hi ei tlem a hnehin kan ei tam tial tial ta a nih hi.Kan changkangin,kan lo hausa ve ta deuh a,ruai chi hrang hrang kan theh ta deuh reng mai.Krismas,Kumthat leh ruai chi hrang hrangah hian Vawksa hian hmun a luah tam ta hle mai.Ruaitheh naah sa chi hrang hrang pawh awm mah se Vawksa kan duh deuh tlat a nih hi!!! Ruaipui siama Vawksa a tlem phei chuan mipui kan phun deuh mur mur a nih ber hi maw! A Vawksa lah hi a tui ve bawk a ni.Riltam lamah sa khuin min han ur chiai chiai a, chumi hnu rei lo teah Vawksa an han theh a-a thithun, a lei, a thin, a ke leh a ruhkawl te han ei mai hi chu dam man hi a awm hle awm e.Mahse, mahse.....Vawksa hi sa hrisel tak a ni ang em?
Tunlai chuan khawpui chu sawi loh, thingtlang khaw lian leh te pawhin Sunday zingah sa ei turah kan ngai a, kan sa ei tam ber pawh Vawksa a ni deuh ber mai.Vawksa ei puarin kan inkhawm a;thusawitu chu Pathian thu hria leh thusawi thiam tak takte'n Pathian thu min han hrilh a, kan Vawksa ei khan min ham nge kan muhil siai siai mai a nih hi!! Kan pi leh pu ringtu hmasa-ho chuan Sunday zingah sa ei tur pawh hmu lovin antam,maian velin an inhnawh puar a, an han inkhawm a;Sap, Zotawng pawh thiam mang lo leh an hnen atanga inzir chawpte'n Pathian thu an sawi a,mahse Pathian thu an zawmin an rinawm em em ani.
Kan ram chu Kristian ram a ni a.Nupui/Pasal thianghlim lo taka inneih hi sual lian tak, Pathian huat zawng tak a nih thu kan inzirtir a;mahse Pathian leh Kohhran pawh zah zolivin a rukin kan inru leh ngawt mai thin a nih hi!!! Kohhran dan khatna innei chu khawvar lam arsi ang pharh kan ni ta.Hengte hi kan Vawksa ei vang a ni thei ang em le? I lo thlir dawn teh ang.
Vawk hi ran zawng zawngah hian a nasa(sexy kan ti dawn mi?) ber mai awm e.Vawkpuiin no a han neih hian, a pui a hur leh hun (thla hnih atanga thla thum inkar velah) a note khan a pui( a Nu) kha a pawl theiin chi pawh a thlah thei a ni.Hindi tawng hmangtute pawhin naupang zahmawh lam sawi ching leh hetiang lama ninhlei deuhte chu.'Swar ka Bacha'(Vawk note ang mai) an lo ti thin.Tin,Vawksa hi Bible pawhin ei thiang lova a sawi a ni bawk.
Hetianga ran nasa taksa eitute hi kan nasain, Vawksa hian Mizote hi min lo run a ni thei ang em? Ram thenkhatin Sangha sa an ei an fin phah chuan kan Vawksa ei hian enge min thlen ve ang le??

5 comments:

vawksa rep said...

interesting..vawksa ei hi kan hur duh itihna ah ka ngai?? a dikna lai chu om tho mai,mizote hi kan hur ve em em tih chu kan inhre theuh ang chu.

illusionaire said...

vawksa ei ngai lo hur tawk tawk te pawh an awm tho a lawm. hehe.

hey Pu Thinchhia, i blog template leh layout kha i thlak deih dawn i ti emaw ka tia, kablog nen a in ang vang in :-P

Aizawl ah ka awm tawh. woohoo.

thinchhia said...

ni tho a mahse kan vawksa ei hi chuan engtin emaw chuan min awm tir a lom le.azl chu nuam ang maw? theme chu HTML a thlak a nin awm ltk a ,beta theme dang ka duh bok silova,classic chu widget add buaithlak,tin a nalh har bawk si

Enliven said...

a dik khawp mai vawksa sunday zing a hmeh ngat hi chuan mut chu a chhuak duh ruih ruih khawp.mahse kan hur phah nachhan chu ka hre lem lo.sangha ei an fing tih pawh hi bengali ho chu an phakar sa hrim hrim a,mizote kan nun a loose sa ang tho hian.

ninawm said...

dik chiah vawksa ei hi chu kan hur deuh a nih awm hi a

Post a Comment