The Paradox Of Our Time

Building sang pui pui kan nei a,kan dawhtheihna erawh a tawi hle thung; kan kawngpuite a zau tulh tulh a,kan ngaihdan erawh a zim hle.Kan hmang hnem a,kan nei tlem thung.

In lian pui pui kan nei a,chhungkua kan tlem hle thung;intihhlimna tur chi hrang hrang kan nei a,intihhlimna hun kan nei leh silo;degree sang pui pui kan nei a,thil chhia leh tha kan thliar hrang thiam lo thung;kan knowledge a zau tulh tulh a,thil kan teh thiam lo tulh tulh thung;thiam thil nei kan pung tual tual a,buaina hrang hrang a pung ve zel bawk;damdawi kan ngah tulh tulh a,damlo kan pung chak hle thung.

Zu kan in nasa a,mei kan zu nasa bawk a,tul lovah pawisa kan hmang vak vak a,kan nui tlem hle bawk a,motor chak deuh deuhin kan khalh a,kan thin a rim hma hle bawk a,kan mengrei vak vak a,hah deuhin kan tho leh a,thil kan chhiar tlem a,TV kan en hnem hle a,kan tawngtai tlem hle bawk.

Kan neih ro sum kan puntir thur thur a,mahse,kan hlutna a tlem tulh tulh thung; kan tawng hnem hle a,hmangaihna kan nei tlem hle thung a,mi huat kan ngah hle bawk.

Thla-ah te hial lawnin kan chhuk leh a,kan thenawmte tlawh tura kawng kan ringawt pawh kan harsat leh viau si.Van boruak zau tak tak te kan thunun tawh a,kan chhungril erawh kan thunun thei chuang hauh lo;thil lian tham tak tak kan ti a,thil tha erawh kan ti hauh lo thung.

Thil kan ziak hnem tulh tulh a,kan zir tlem hle thung;thil kan suangtuah teuh a,thil tlemte chauh kan hlenchhuak thung;kan hlawh a sang tulh tulh a,kan thatna a hniam hle thung;ei leh bar kan ngah tulh tulh a,kham-khawp kan hmu mang lo.