Wonderful Tonike!!

Rock Night a 'Wonderful Tonight' han request daih chu a mi huih thawm hnaw viau angle.Mahse thil thleng a ni ve tlat si a.A chhan chu a request tu khan a harhfim laia a tih loh tawp tur a ti tlat a tin ni.Chuvang chuan Mihuih tehna a tanga han teh ngawt pawh a tih hleihtheih si loh.Request neih tawhah chuan an la fuhlo ber awm e,an sa lo chiang kuang kher a sin.Kha hun kha a lo kal lehta duai mai,tlem in lo insum kar tha lo deuh ila chuan fiahvaklova "Apa...apa..."minti thei tu kan nei tawh awm a sin.Weekend hi chu kan han hmang am thei khawp a,khami tum pawh khan tlai thim thet thet a tangin kan in hawr khawm a,engber nge kan tih ang kan tih laiin,kan classmate vai chhe ve tak,inla bonra em em lawi si,music ah phei chuan ril lutuk mahse GNR vel bak a a tuina sawn hleitheilo kha a lo lut hlawl mai a.Rock Show a awm dawn tih a rawn sawi a,keini lah kan phur eng sawi set set lo khan kan kal deuh nghal ti tih mai a.A hmun a hla bawk nen AutoRickshaw a kan han in bengmuk kha chu ti tak hi a ni ngawt.Kan vai khan mi pasarih vel chu kan ni awm e.A hmun kan luh a tang reng khan kan thaw pawr tawh a,table pawh la lem lo khan kan ti deuh nghal chuai chuai mai a.Kan thianpa pakhat lah kha sap vakvai nen an lo inhnim hnai em em khawp a,enge an tih pawh kan ngaihsak hmanlo,mahni nuam tih dan dan khan kan sahawk a.Blore lam atanga band lo kal te kha an thiam khawp lehnghal,front row ah kan ding tete a,theih palingkawh kawh a kan han bu nghek nghek kha chu pui ve tawk ani.Tichuan kan bu vak vak a,kan au ve nghek nghek a,tlema kan hah deuh hnu chuan ka thianpa nen vaiho table ah kan thu ve ngawt a,kan han in sawi theih khum tak tak mai chuh! Kan duh leh tum em em vang a insawi thei kan nilo,an ni vai ho khan min tih hmuh a ni,doctor hmel pulo te kha an doctor tlat a, officer bon fefe ni awm khan an in sawi a,keini lah kan duai duh biklo,ka thianpa khan China mi kan nia,kei mah kha Foreign minister fapa angin min chhuah a,a ni thung kha eng minister in nge a in sawi tak kha aw?? Vai ho pawh khan an awih zozailo vang,mahse kan awihbik lo tih an hai biklo.kan in 'draw' a ni ber.Rei fe chu kan in kawm khawm tak kha.Address te kan inpe a,number te..kan hmangtangkai tak pawh ka hrelo.Pool te kha kan hawlh sak ve leh ngawt thin a,min tha en ve mai mai a,kan buailo niber in a alang.Zan a lo rei a hla tawpna tur'Dreamer' an han sak phei kha chuan buru tawh tak kan ni.A tuk thlengiin ka aw a chhan phah vek.Photo session ah lah khan ka han kal ve leh ngawt zel a,an hmeh zawng zawng deuh thaw ah khan ka tel awm a sin mole.Ban hnu a thianpa in kawngsir a a thu kun tlat te,kan awmna kan thleng tawk tawk te,Rose-a'n zawhte ni awm fahrana a luak a piang vaivut a a chhilh zel te kha awwwww!!

Read more

Tho A!!

2002 July khan kan zirna lam panin kan thianho in kan chhuk a.Hemi tum hian kan han tluang lo em em khawp a, Kawnpui khua thlen hma motor accident tamna deuh thlen hma khuan kan motor a chhia a,tunlai ang in cellphone awm mai bawksilo, motor lah chu a che duh tawh eih bawk silo,tih ngaihna awm thlawt heklo,Kawnpui khua ah zualko turin kan kan thian pathum in kan in zui a,zan a ni tawh bawk si ramhnuaiah streetlight awm hek silo a thim hian an thim mai mai khawp a.Bus accident na zawn a hrang ti a an sawi teh fo kan thlen hma deuh phei chuan tumah hi kan tawng tawh lo,insi thap in ngawi reng in kan kal a,reh duh thiap thiap tak a ni.vanneih thlak takin motor lo kal hlauh a, min tanpui thei ta hlauha.Tichuan zanah kan chhuak leh thei ta a.Hetiang teh nuaih vang hi niang Guwahati tanga train a kan chuang chu kan tho a ta lom.Zan a ni a mahni seat theuhah kan mu a enge min mawlh tih pawh kan hre lo,kan vaiin kan tho rual a kan in zui dam dam a train a toilet bul kawngkhar kan thlen in kan thianpa pakhat hian " a tawk e" a tia,kan mut na lamah kan let leh theuh a.A tukah kan tho a a ni tih tuman kan inhrelo,tuman kan sawi bawk silo.Mahse tlai lam a lo nia keichuan nizan khan toilet lamah kan kal tlat in ka hria,ka mumang nge ni zawk aw...ka tia.Chutia kan sawi takah chuan ka thiante chuan kan inzui kha an hre chhuakta deuh rei ruai a,kan nuih za lutuk chu kan bula thu vai ho hian min en haw haw mai a ni.Kan zuang thla phiar emaw kawngkharah khan kan penchhuak zeuh ang tih hlauhawm tak a ni,kanlo vannei ngawt mai.Zaia phei chuan Baloo-a kha khatia mutna lama kan kal leh khan mu ta mailovin a thu reng ni awm a,"Mala mu tawhrawh le" a tia a mu tha ve leh mai e a ti a.Mala phei chuan engmah a hre hauhlo chu ni in.Thawh at hi lo mak duh khawp mai.

Read more

Polythene chhungah kan e a!

Class X kan nih kum Board Exam hnaihtawh lai,lehkha peihlo chung chung a kan zir vak vak lai a thil thleng hi kan ziak leh re re ange.Mt.Carmel School Hostelah kan awm a,kan Dormitory chhungah khan Warden ten min riahpui ngailova,mut hunah chuan pawn lam atangin an lock daih a,an ni chu Dormitory bulah room hranah an riak thin a.Tum khat chu lehkha kan zir zawh tawh hnuah kan mu dawn a,pawn lamah dan pangngaiin an lock tawh bawk si a,duh reng vang pawh ni hauh lovin Ek an chhuak tak tak mai chuh! Dormitory chhungah Toilet awmbawk silo,ek chhuah dan kha a na mai lo nasa si,thut in a zia chuang lo,mut pawn a chhuak nep hek lo,engtia awm pawh khan a tur hian a tur ut ut tawh mai si Ek chhuak khan,vanneihthlak takin kan ti dawn nge RD-a(Rodinzuala) kha a ek lo chhuak ve ta,kan pahnih in kan er ngang ngang mai a,Warden te kan auh in an mu toh bawk si,tihngaihna awm tawh heklo le,Mirror Room kan ti mai a,chu mi bulah chuan pheikhawk,kekawrte vel kan dah khawm naah Polythene kan zawng seuh seuh a,kan in Park a a rem dan dan in,chu Polythene chhungah chuan kan han e ta ngheng mai a,tam tha hnur hnur khawp mai a,Polythene chhana han khoih pawh khan a la tharlam tih hriat ngawih ngawih hian a lum vung vung mai a ni.Chutah a tih dan tawpkhawk ah chuan tukverh kan hawng seuh seuh a,thlang lam pang awih sang deuh ah kan theh thla vawng vawng ta a..kha mi tum a kan ek laia rinawm taka minlo Guard tu Johnny kha a fak tlak ngawt a ni!haha.
Ek sawi laklawh...thil dang deuh ek kaihhnawih tho.Bcom Ist Yr kan zir tan kum in Pu C Dothanga IPS in eng emaw lawmna a siam a,kan va kal ve a lawm.Kan la tlang nel lo bawk nen vanduai thlak tak in kan thian Ngura a ek a chhuak nasa mai a ni awm a.A hnu a a sawi leh dan a nia,a ek chhuak lutuk khan a ruk te in toilet a lo zawng ngar ngar a,a hmu mai bawk silo,kan awmna lamah a mahin a la haw thiam bawk silo,a ek chhuak lutuk kha a theihna zawng zawng in a lo tuar ngar ngar ni awm a.Mahse a tuar chhuak nge a reh ta tih erawh ka hre zui chiahlova.A sawi leh dan chuan"Ka ek chhuak lutuk kha ka khua a sik zo vek" a ti hial.Nih duh hmel viau a ani.

Read more

Hmanlai

Saizahawla Boarding School a ramsa ang mai a kan khawsak thin kha! a dik a lawm,kan riltam theih zia leh chaw chauh kan ei thin kha aw.1992 khan ka awm tan a class IV zir in.khatih lai kha chuan ka luh ve vang ni chuang lovin,tun ang a a hman hman in English Medium School an hawn chur chur kha a la awmlo bawk a.Tlem te zingah chuan Mizoram no1 a ni ve thin .Boarding tih takah an han strick laileng khawp a,eitur kawl hi phal loh bur a ni si a.Breakfast ah thingpui leh Biscuit thinarrowroot pahnih kan han dawng tlawng mai te kha,ka la hriat reng chu thing an dah khawm na bula sunhlu kung te reuhte hi a awm a a hnah kan ei zo vek a,rd-a,tp-a,amosa te ho nen kan tam mai a kawr kan khel a, chu sunhlu kung chu a thi daih.kan ei hlum ni ber awm sin.lung chu ati lenglo ve tawk ani.Visitingday a lo thlen hun kha kan nghakhlel thei em em a,alo thlen meuh chuan kawthalo khawp khan kan han ei ta thin a nia.Mahsea trul ve tlat a chhan chu hetiang ni bakah hian chaw leh dal,thingpui leh chhangthop kan hmuh chhun a ni tlat.Tunlai kan gospel singer lar Liandingpuii(ka class mate) te pawh kha an la lar silova an tram ve thei teh zawng a ni.Liandingpuii han sawitakah chuan a tet lai pawh khan a zai ve fo tak a Warrant ho hla 'Heaven' kha Mapuii(Lalrinpuii) nen khan an duet ve ziah zaitura an tih piang khan,thiam dang kha anla nei lo niang han ngaihtuah let hian..hahaha.Inbual hun kha kan han nghal nghel thei em em mai a a chhan pawh hostel chhuah san in lui(Tuithum)ah hmeichhia pawh mipa pawh zahpah la awm heklo in kanin tlar put a lui kamah khan kan inbual ta thin kha nia.Zirtuirtute fel tum phei chuan tuikhuahah kan cheng ru thin a an mahni ho khan.RS-a nen kan insual ni kha aw..kan insual zawhah kekawrte chauh ha in kan class teacher in hmawlh in min han hlap mai a,na duh mai mai tak a ni.(Kha kan class teacher kha 2000 khan Vanapa Hall bulah kan in hmu a,min ko a minla hria nih dawn hi ka tia ka va kal hnai chu "i la dawn a mi?" min ti chiah mai chu ka sa raps.Chhan chu Vanpa Hall hnaih velah hian damdawi zuar leh lei an tam em a,min hmu sual chiang kher em a tin ni.Sawi pawh ka in sawi duh ta lo.)Nuam ve thei tak a ni,kan haw kawngah mi lo a mi fanghma te kha kan ru chho ta thin a,a neitute khan hria se chuan complain an theh lut thin ngei ang.Weekend lo thleng a Platform Arts kan hmang thin a,fashion show an neih dawn khan kan phur zual thin.Dressing an neihna chunga trang khan a bih thlak theih tlat a!Mahse ka hrat filawr bik lo.Music ka tui vang pawh ni chuanglovin tum nga vel kha chu kan zai ve a guitarist ka la ni zui,mahse guitar awm lo,a RAW in kan zai a,G n' R hla kan han sa a,guitar solo hunah kut lawng kan han zut vel te kha aw.Kan zirtirtute khan minlo 'bol' deuh chu a ang.Chu ai mah chuan kan vocalist RS-a(RS Rosanglura(L) han in siksawi vel Axl Rose a ang ta tlat a in hriatna nei ni awm a an che vel kha zahna chang hria se chuan keiai chuan zak fal tur a ni.Video kan han en thin te lah kha 'Thlahrang' lam pang vek a ni thina,tun thleng hian ka la pangngai loh phah ni te hian ka hria hahaha.kan Player lah khan Casette pakhat play bak kha chuan a sa thei lutuk a,fan hnuaiah pawlsang ho in an han chawi kang a an chhem daih tir ta thin a,darkar chanve hnu velah film dang kan en thei leh tawk thin.Zan khat 'it' film ni ta in ka hria, hlauhawm tawk mai kan en zan phei kha chuan blanket nen ka in khuh tlaivar,a vawh vang a nilo,ka thlan dup a ka in khuh hlun tho tho.Loh theih lohin zun a chhuak a,bathroom a kal chu a hla lutuk,tukverh a khawh thla teu teu mai a ni.mahse min copy nasa deuh a niang,zirtirtuten an khap daih tukverh a tang a zun thlak teu teu kha.Skate kan han tawlh thin kha,ka ta ve kha a ke thir chi nia an bengchheng thei em em bik a,Tawtawi-a kha thiam kan ti thei e,a roller ke kha rubber nih vang niang kan ti thin,at theih ngei mai.Cl VI pass hnu chuan ka chhuahsan ta a.Ka batchmate te kha engtin awm ta zel hlawm maw ka la hriat theih deuh te
· Liandingpuii-Zaithiam a lo ni ta
· Rs-a-minlo boralsan ta
· Zodingliani-A lerh ta vei lutuk a...
· Zoremmawia-IIT ah zirchuak a Delhi ah a la om
· Amos(mi zawi ber)-Competitive exam a pe thin
· Rodinzuala(saikapthianga jr haha)-zu a heh an ti hahah
· Op-a-min hre thra duh ta manglo,saptawng a in ti thiam vei ltuuk a
· Abisac-Lelte Award a host thin,part time in film a chang..hahaha
· Christine-Pasal nei hma et awt lutuk a,a chhangchhe khawp
· Freddy-Lubuk deuh kha exam eng emawah a hming ka hmu zauh zauh
· Lalrintluanga-doctor a zir daih guwahati ah
· Lalthanliana(Lena Entp)-a a e mai
· Tawtawi-a-kathmandu ah doctor zir
Han sawi vul vak tur an la om vak biklove..hahahhaa

Read more

Intih theihna!

India mai ni lo South Asia a WTA Tour(Hyderabad Open) hmasaber anih vangin rilruah en chakna a lian hle.Ni hnihna, 4th Feb.2003 chu kan hostel tangin Andrew,Cris,Ruala leh Toshi te nen kan en ve a.Ticket Rs50 manah kan thu.Mahse a rei deuh hnuah Rs400 manah kan insawn.Hemi ni hian players inkhel an tha hlawm hle.Elene Likhotseva a nalh ziai ziai hle,hmuh a nuam in a pian leh vun vel a hmuhnawm chiang hle.Mahse Israel mi a hneh ta lo hlauh.Ka 'Down' vek in ka in hria.Tin seeded 1 Clrista Fernandez a chaklo bawk.Ani pawh a inkhai fi nalh tak a ni.Crisa mit a la zual bik.Mahse au chak zo ta chuanglo.Japanese nula Akiko Aragomi a hnehlova,Cris-an a hming sign na ball a chang hlauh.Mary Pierce leh Chinese nula inkhel a zia fu.Mihring pawh an tam sawt.Mit lawng ngei a hmuh theih vangin ka inchhuang ru fu.Mary Pierce a chak hram a,an inkhelh zawhah 'autograph' vanneih thlak takin mi pali vel a pek zingah ka tel hlauh!Last match Sania Mirza leh Australian mi pawh a en tlak hle,Sania Mirza tanlo in Australian nula kan tan daih a,vaiho in min en hu hu a,an thinrim hmel em em leh nghal.Stadium chhunga Camera ken an phal lo erawh min ti ngui haw ta viau.10:30 PM velah kan haw.

Read more

Delhi n uisa

Ho tak chu a va han ni mai mai em aw!Uisa duh mi ka nih ka hre ngailo,mahse tui ka ti ve tlat.A chhan chu a sa kan neih dan kha a hautak ve em a tin ni.Kha mi zan khan engti tih a lengchho nge ka nih tak kha le.An tih dan pangngaiin Fambola te ho chu anlo leng leh daih toh a.Kan haw lam in kawng kam vela ui lo bauh chhen kha Fambola khan ui chunga power a neih thu kan test duh a .."ka hypnotize thei" a ti teh fova.A hmai uang maiah kanlo la thin a,ataka a show na remchang a lo thlen takah chuan R-a'n an bol deuh zauh a,Fambola khan engtin nge khatiang ui kha a hypnotize theih mai le?! Ama ui ang mai khan an in hnim hnai a,a hming te chu ala phuah deuh deuh.Saphming ngat a ni a phuah ni mahse enge ka hre ta mai lo.Tichuan a ui nen chuan an in zui ta hnakhnak a, achangleh a darah a pu a..a hnunga kal tan chuan a nuih loh theihloh a ni.Exam hnaih vanga Davida lehkha lo zir mek in kawngka lo hawnsakin Fambola leh a ui,a dara a put an hmu phut chu a phu hlum trep teh zawng a nih kha.Davida sawileh dan thei phuan thlahrang a maw ka ti a ti hial nih kha mahse he thu hi chu hretu an tamkher lovang a chhan chu a copy a siam tam lo tlat.An han talh dan te lah kha,Silchar vela LO fapa ni thin awm reng alo ni,ngam biah biah tak ani.chumi ti hlohtling tur chuan Solomona kha a tangkai full.Sek vang poh ni chuanglo vin a lum tih vang ni maw a in phelhsek a a nghawng an tan kha nia..bathroom chhunga ka va dak lut kha ka uak nasa fu mai,a thang ham ham me a lom le.A bol phuan tu leh a bultumtu ber R-a lah khan a lo en mai mai leh lawi si a.Viaram ui ka hriat ve viau a vang in ka hawsan daih ta kha nia,atukah chaw eiah kan thianho kan kim hle.Tui loh rukna chu ka nei viau a,mahse HeadChef Davy khan a siam thiam fu vang chauhin tlem chu kan tem sak ve kha.Chaw erawh ka ei teuh thung,Davida lah khan keiai chuan a la ngamlo lehnghal,omlet nen a lo intui tuah daih sin.Atih dan pangngaia R-a chaw ei puar a khum a tran hmun an khuar tlat leh novel,a phek tla darh deuh thaw tawh a chhiar leh vuah vuah te kha alo rei lehta hle mai.Hetianga kan awm khawm lah hian Dinga hi luck vang pawh ni hian kan hrechiahlova a phone ri thei bik lutuk a,Mizoram chu nise an 'Khap' ngei awm a sin.Mahse kan nuihtam na chu a ni ber fo si.

Read more