Kulvate Cowboy

Chalfilh Tlang pang chu a rawn khu thla chum chum mai a. Ral khat atanga en rik ngawt pawh chuan thil namai ani lo tih chu Pungpiliau khaw pitar, Pi Rundali pawh chuan a hre thei nghal mai a. A rilruah chuan Thringtam neih kuma Puakzo khaw kang kha ang a ti hle a, a rilru te te chuan " Pathian a lo kal dawn anih ngei hi" a ti a.


Chalfilh Tlang panga thil khu rum rum chu engdang ni lovin Kulvate khua atanga Cowboy rorum lutuk rawn kal a ni tih reng reng tumahin an hre hauh lo mai. Nau riltam hun velah chuan Antiokei khaw Saloon ropui ber mai, Bahsamseia Saloon kawngkhar chu a rawn intheh leng lawp mai a. A chhunga awmte chu an thin a tla lo chauh a ni ringawt mai. A sira putar pakhat lo thu phei chuan ek a cheh ri pherh pherh mai maw le.


Chulai hmun chu hmun rehah a chang zo ta... tumah reng reng tawng ngam an awm lo mai ni lovin chet pawh an che sawn ngam ta lova. Chutah chu kawngkhar inthehleng lawp atang chuan Cowboy hmaiser duai mai, han en reng reng pawha pa hliah hliah mai, a kalte reng reng chu a kal khoh khoh maia, a khel tawn tawnah chuan tukuli silai tantawi hi a inthiat hnum hlurh mai bawk a, a kawng hnung lamah chuan silaimu hrualsa leh zen a ak tun mai bawka, chumai ala ni lo, a lukhumparh mawlh mai chuan mi a rap ngei mai!! A parh kualah chuan midum pangpar a inthiat ngoh mai bawka! A lukhumparh chhipah chuan laiking thi rawp a fu loh mai bawka! A pa han tih loh chi rual a ni em maw?!!

Chutah le, saloon chhuat chu rawn rap ri phei thlurh thlurhin Saloon dawhkan chu ring mangkhenga chum thum dup chungin sin rat hian "Milk" a ti vei rat a.

Mahse, vanduaina chuan a chungah ro a rawn rel tlat mai a, a bawnghnute in chu a hak palh a, a thi ta bel an ti, a hria ten!! ;)

Kulvate Cowboy chu!!!???/

Read more