Hmangaihna hiiiiiiiiiiiiiiiiiiiiiiiiiiiiiiii

Eng hun laia lo intan tawh nge, tih pawh hriat loh, sakhaw lehkhabute pawhin a awmzia a tihdanglam chuang loh, hmangaihna hi mihringte nun tinuamtu leh tihlim bertu a nih rualin, mite rilru tina thei ber leh tilungngai thei ber pawh a tih theih a. A awmzia hriatthiam dan leh tihlan dan pawh mi hrang hrangah inang lo tak a ni.
Hmangaih berte tana nunna hial hlan thak ngam an awm laiin, hmangaih berte nunna hial laksak duhtu an awm bawk si. Thenkhatin an tih theih miah lo tur pawh hmangaihte tan chuan tihsak an inhuam thu an tlangaupui a, thenkhat thung chuan tihhminghliau bakah sal ang maia chhawr an hreh miah lo.Thil ropui tak min tihtir theitu a nih rualin, a kal fuh loh chuan thil tha lo ber thlentu a ni thei a. Inremna thlentu a nih theih rualin inhuatna hmahruai a ni fo bawk si.
Pa awmkhauh leh dehkhirh berte thinlung titui theitu, pasaltha leh huaisen tawp pawh khurhtir theitu, thilsiam dang leh rannungte pawhin an lawm em em ni bawk si hi tun thlenga mihringte zir mak zel leh hriatthiam tak tak theih loh a la ni ta fan a nih hi.
Mi tam takin hmangaihna lanna ni a kan hriatte hi han en ta ila hmangaihna a lo ni reng em:
• Love at first sight: Hmangaihna tak tak chu rang takin a thleng ngai lo. "Ka hmuh tirhin ka hmangaih nghal", tih hiana awmzia tak chu khamiah khan a duhthusam thenkhat a hmu nghal, tihna chauh a ni.Tu emaw hmel lan dan te, a nungchang leh a tawngkauchhehte chuan min hip thei nameuh mai.Hmangaihna intanna a ni a;mahse, hun a duh tho.
• Thikna: Thikna hi hmangaihna zia a ni lo va, tleirawl tam tak chuan thikthu a chhiat poh leh hmangaihna a nasaah an ngai fo thin.Mahse, hmangaihna aiin huamhauhna a ni mah zawk.Hmangaihna tel maih lo pawhin thikna a awm thei.
• Lunglenna: Lunglen leh ngaih veng vengna hi hmangaihna vang aiin atchilhna a ni mah zawk.Hmangaihna dik tak chuan hnathawh a tinuam a, lehkha zirnaah pawh min upi zawk tur a ni.Atchilhna erawh chuan mahni chauh a inngaihtuah a, mihring ni lovin, hmangaihna a buaipui zawk a ni.
• Mahni chauha i awm lai aiin in awm dun laiin i hmangaih lehzual a nih chuan i hmangaihna a pawnlang hleah ngai rawh.Hmangaihna dik tak chu hmangaihte tel lo pawhin a chuai chuang lo.
• I ngaihzawng laka i tawng dan, nungchang leh incheina i la fimkhur hle a nih chuan hmangaihna tak in la hlat deuh tihna a ni.I nih ang anga a hmangaih che tih i hriat chuan a bulah engmah thup leh zep awm lovin ngaihngam takin i awm thei tur a ni.I nih ang angin i lang ngam tur a ni.

Read more

Zopa rilru lo themthiamzia

Kan Mizo pi leh pute rilru themthiamzia kha i chhut tawh thin em? La chhut chhin ngai lo mah la, tun thleng pawh hian i hrehawm tawrh laka nawmna kawngkhar hawnsaktu che a la ni asin! Hnam dangte chuan an hriltlana han hahchhiaute hi hrehawm leh zahthlak an ti a, an hahchhiuana bula mite hnenah, " I am sorry", emaw, " Excuse me", emaw an ti chul thin a.Kan pi leh pute kha chuan an bula hahchhiaute chu, "To hnar a za e, tu nge sawi, heta hi a awm, a dam e" an lo tihkhalh thauh thung thin a.Tlangval to, nula to nih chu duh lo fa awm hek lo, hritlang hnap tui lu na bur pawh nuam ti taka an tawrh theih bakah thenkhatte phei chuan hritlan an chak ru mah mah thei thin zuk nia! Mawngtam khawihlite hi tawrh a hrehawm tehreng nen, "Khawihli chu mi vannei bawm a ni ngai e", an ti a.A tawrh hrehawm mah se, a rukin nuam an ti veng veng mai ani.
Hetiang kawng chauhah hian an rilru a themthiam lo.Fuih leh khap hauh si lova naupangte puitling duh zawng eitir loh dan leh puitling duh loh zawng eitir dan an thiam riau mai bawk.Ar ei thin chu tawng fiah theihlohna, a ngum ei chu phhunchiarna an ti a.Naupangte chu pe pe mah se, tawng fiah theilo nih te, phunchiar nihte an duh loh avangin puitlin huna la eiah an khek daih mai a ni.Ar ke erawh chu kal chakna, ar chhuang ei chu zaithiamna, ar mit ei chu mitvarna an ti leh thung a.Hnam dangte angin ar ke, ar chhuang leh ar mitte an paih ve ngai lo.Naupangte chuan a chuhin an inchuh zawk thin.
Sakei hming an lo chhawr tangkai thiamziate kha han ngaihtuah chiang teh.An rilru themthiam tak a ni.Sakei chuan tapchhaka kun a, thusawi rukte pawh hi a hrethei vek a ni, an ti thin a.Eng vanga tithin nge an nih? Hman laiin misual mantu Police leh thil tisualte hremna Jail an la nei ve lo va.Chuvang chuan ramsa zinga hlauhawm ber Sakei chu hmun pawimawh an chantir thauh mai a ni.Rukru leh dawt sawi hmang chu Sakeiin a seh duh, uire chu thingbul hnenah tal a inpuan loh chuan Sakeiin a seh thin, nula leh tlangval tlan dun chu an tlan bonaa kawng peng an zawh tawntirhah thinghnah an dah zel loh chuan Sakeiin a seh mai, te an ti a.Sakei hlau lo fa an awm si lo va.Tu nge ruk rua dawt sawi ngam ang? Uire nia rinhlelh pawh a daikalnaah an zui ru a, thingbul hnena a inpuanna atangin harsa lo takin an hre chhuak thei mai.Tlan dun pawh an tlan bona kawng penga hnimhnah an dah atangin an kalna lam awlsam takin an hre thei a, an umzui mai thin.America CIA leh FBI te'n an rilru lo themthiamzia hi hria se, engtin ngai ang maw?
Hman laia an vanram ve, Pialral mawlh mai kha, hman lai rilru phak tawka luh chakawma sawi mawi dan an lo thiam mai! Hahthikula buh leh bal thlo chhuak thinte tan chuan,thawh hah ngai tawh lova faisa ringa awm der der theihna pialral chu kai a chakawm a ni.Lum hlum hial pawha hlawh a ngamawm hlaih hliah a ni.Mizo pa nge nge! An rilru themthiamna kha India Constitution ai pawha huhang nei zawkin khawtlang inawp nan an lo chhawr tangkai thei a ni.

Read more

New Year's Resolutions

Chu Nula chu toilet a aluh velah ka thiante pahnih chuan rual lutuk tak mai hian Remote control an ban dun a.Maksak tak maiin remote control chu chhuatah a'n tla na em em leh nghal. A battery pahnih chu thuthleng hnuaiah a lum lut daih a.An ni pahnih chuan chhar tumin an kun du du a,chuih lai chuan ngaihtuah nei ni awm tak hian ka lo thlir vang vang a.Engber nge ka ngaihtuah chiah chu ka hre mai lo,ka'n nula kha ka ngaihtuah niber in ka inhria.Eng ti tih a nula pui si a ekchhuak lutuk insum zolo nge a nih ang aw tihte, reilo te chu la tuar hram hram se ka'n haw tep chu a ni si a tihte, kan vawihnih lenna mai a la ni a, min va 'tham' lo ve tihte,nula hrim hrim hi inleng an neih dawn chuan anlo inruahman nasa thin si a tihte ka ngaihtuah ber in ka hre ta.Chumai bakah ka ngaihtuah chu, chu nula chuan ngaihtuah ta se ho minti awm tih te ka ngaihtuah ta zel a.Keipawh chu Ho ka inti zo ta vek a.Cigarette ka zu dawn a, zial ka ngeihloh bik zia leh ka Sinus in a tuar zia ka ngaihtuah leh a.Ka rilru te te chuan New Year's Resolutions ka siam ta zut zut a..ti hlawhtling vekthei loh mahila theih a mual mual chu ka neih ngei ka inring tlat a ni.Ka'n nula lah kha a ek a tang nge mipangngai ek hun let hnih zet a va sang leh nghal.Tichuan nula ek rei zarah hengte hi ka inchhawp chhuak ta truk mai a ni.
• Lehkha hi chhiartlem deuh ila.Penthouse ngat phei hi chu thlah hmak ila.
• Cigarette hi nghei thut tum ila, subsitute a tan Surpi hi hmuam ta ila.
• Habit thar deuh ching i la,Tuiburhmuam.
• Football a offside hi chiangdeuh in hre ta ila,a hmuhnawm phah takin.
• Ek laia zai luah luah hi sim tum ila.
• Zan menrei leh thawhtlai hi lehlin thawk tum bur ila.
• Mahni bula thute message thawn bansan.
• Hla phuah hi tum tawhlo law law ila.
• A khat tawka lung tihlen pawh hi a tha ang.
• Gym kal in sek em em ila.
• Keyboard hi hrufai ve thin ila a khat tawk in.
• Thingpui hang in tlem.
• Thianho a len hul hul bansan a, tlatfal zir.
2ndJan07

Read more

Zawnawlna

Rawlthar-ho chu tuallaia thutna siamah emaw, mi varandah remchang laiah emaw zawn vat chi an ni.
Nula senior tawh chu pangpar huanah emaw, zawhte/uite bulah an khawsa hnem a, chuvangin, chulam chu ngaihven thuai a finthlak hmel.Tin, 'Khaw'nge' tih leh 'Ka sahdah' tih an zawm fo, mi sahdah a tui zawk an ring chawk bawk.
Tlangval senior chu anmahni khumah an lo mu reng duh khawp.
Corruption uar takho chu in chhawng sangah emaw, motor chhungah emaw zawng ila a in hmeh ber mai, tih awm tak a ni.
Mo len hrat tak chu an mahni inlamah zawng thuai ila, an lo awm nge nge thin.

Read more

Thaimami ka duhthusam

Nupui tura ka duh chu 'Mizo kan ni...' tih thinlung taka sa thei, a hming tawpa 'a' ni lo 'i' awm ni se.Khapdiau ang maia kal dul hnuk hnuk leh hawi ngiai ngiai emaw, zawngsihsiamsual ang maia taksa chetna dawng hnem leh phanchang lutuk emaw, chhemthei tia lek chawnban nei leh kawmthlangte pal ban tiata chawn lian emaw, powder pawp kar atanga meng kual rawlh rawlh thin emaw chu nupui tura ka chhai thlukzawh loh ka inbeisei thuai.Hetiang mite hi chu 'I tan ka tling lo...' tih hla ka sak khum lui palh ve chawk ang.
Sahel ei mi a nih loh chuan a kutke tin zuah thut turin ka phut harsa lo mai ang e.Nurse zir chhuak hlim ang maiin, Faina Hapta hman ve kher ngai lo leh beisei lovin fai vang reng mai se! Biak Inah lah khuangpuin khuang a vuak thelh phah zawk zawkna tur khawpa inchei chu hlawh nei pawn a duhlo tur a ni a.A thu 'off-side' ngai tur a ni hek lo.Mami nu tur a nih miau avangin kawtthlerah a mal ding lam a show pawh a thiang bawk lo.
Zep nak emaw, thla lan danin nungchang a tihdanglam theih chu kei lungmawl tehlul hian ka luah zo lo vang.Khawlai dunga Dumka hlawh la ang maia nui thler duai duai chite lah hi, ka phu loh vek an nih vang hian chhai loh law law ka tum hmak.Mami nu tur chuan a hmaa kalte ngaihthat lohna turin nuih emaw, phun sep sep emaw hrat lul suh se.Chuti lo chu, ka hmu 'Biangnovi' reng thei lo dah ang e.Tu emaw ' ka ngei e/ka be duh lo ve' a tih tuah hum a nih vaih chuan ka ma ang, ka ma ngei ngei ang!
Khawvel uaithla lamah hian Pathian thuchah kan ngaihthlak leh tawng tualleng hi 'tawngtial' in a pawlh chhuai tawh a. Mi fiamthu thawh te paw, a! a lo bengngawng nuih ve ngawt thin a nih chuan lainatna vangin khawthlang zai vawi tam ka sa dawn tlat.Chuvangin, kawmthlangnu ang ema sentence tina Sap tawng mal khat tal telh ziah thei ni lo mah se, 'Akbar was a king..' tih zir thleng chu ni hram se maw le.Chutichuan, mi titi haw lam leh kal lam chu a man thiam ve ruai ruai dawn a ni.
Din chhuahpui tham hmelchhe chhungkua kan din ngawt loh nan hmel pawh chuti tehchiama chuti he hu lo ai chuan, rose par anga chei ngai lova hmeltha ni zawk se - Mami nu atan ka iai hauh lo vang.Kan chaw bel a rawn tuai vir hmain khawtlang tana mi tangkai, Kohhranah pawh a phak ang tawk a inhmang leh sakhuana ngai pawimawh, Kristian chhungkaw dinpui theih tur hi a ni, Matea nu atana ka duhthusam leh lungkham ber zawk chu!
Tin, heti hian duhai ka han sam kual leh ta zel a; zuk leh hmuam hi do tawih tawih lovin ti ngailo tawp se a va duhawm lehzual dawn em! Mami nu tur nge nge chu! Warning pek ngai lova fawh tlak, lei bak thil dang hmuam lo a nih chuan angel hawl thlak ai pawhin thianghlim cheuvin ka ring.E..... zingkarah thawh hma vangin tum luau ngai lem suh se! Chuti lo zawng, hmana a hnar bawrh bawrhna hmunah mumang nei leh thin turin ka tir daih ang!

Read more

Chhangban hi Ektum-ah chang se

Ka Pa thusawi a ka nuihnasat ber.
An tlangval laiin khawhar inah an riak a, an uang thuang lutuk khan zing an thawh velah chhangban la lum vat vat mai hi an thianpa kekawrte chhungah an thunsak a.An thianpa rawn harh chu a in dap vut vut a, a tlan haw nal nal mai a(ek a cheh ni in a in hria a,chhangban lum vat vat kha ektum ang ve em lah tak a).A hnu lawkah a lo let leh chu thingfak nen a hmuh hmuh hi a rawn hawlh nawk nawk mai a,' in hlap nawk nawk mai a ni ka duh' a ti phiar phiar e a tih chu.Hahaha

Read more